80 දශකය අවසන් වන විට ශ්‍රී ලංකාව භීෂණයෙන් වෙලී තිබිණ. ආර්. ප්‍රේමදාස ජනාධිපති ලෙස පත්වන විටද රට දෙකොන ගිනි ගත් විලක්කුවක් බව පැවසුවේ ඔහුමය. ප්‍රේමදාස කළේ ඒ ගින්න නිවීම නොව එය තව තවත් ඇවිලවීමය. උතුරේ මෙන්ම දකුණේ තරුණයින්ද තිරශ්චීන ලෙස ඝාතනය වූ අතර අපි අනූනමයෙන් බේරුණු පරපුරක අහම්බෙන් ජීවත් වන්නට, නැතහොත් බෝනස් ජීවිත ගත කරන්නට වරම් ලද්දෝ වෙමු. "අනූවේ පරපුර" සංවිධානය ගොඩනැගෙන්නේද, "මාගේ දේශය අවදි කරනු මැන" නමින් පේරාදෙනිය විශ්වවිද්‍යාලය මූලික කොට ගෙන ශිෂ්‍ය සාහිත්‍ය උලෙළ ඇරඹෙන්නේද අළු මතින් නැගී සිටින ෆීනික්ස් කුරුල්ලන් පරිදිය. මෙවර "කතා කෝච්චිය" වෙන් වන්නේ "අනූවේ පරපුර" හා "මාගේ දේශය අවදි කරනු මැන" ශිෂ්‍ය සාහිත්‍ය උලෙළ පසුබිමේ වූ මගේ දායකත්වය සනිටුහන් කරන්නටය.
පහත වීඩියෝවෙන් ඊට සවන් දෙන්න.
අනූවේ පරපුරෙන් මාගේ දේශය අවදි කරනු මැන !
