පේරාදෙණිය විශ්වවිද්‍යාලයේ සිදුවූ ආසන්නතම සිදුවීම පිළිබඳ කතා නොකරන පැත්තක් අද ශ්‍රී ලංකාදීප පත්තරේ පළ වී තියෙනවා දැක්කා. එම වාර්තාවෙන් මා තේරුම් ගත් කාරණා කිහිපයක් මෙලෙස සටහන් කරන්නට කැමතියි.
======================
මෙම සිද්ධියේ කේන්ද්‍රස්ථානය වන්නේ විශ්වවිද්‍යාලයේ සරච්චන්ද්‍ර එළිමහන් රංග පීඨය අසලින් යන මාවතයි. ඉකුත් 10 දා රෑ 10 කණිසමට ඒ අසල නවතා තිබූ යතුරුපැදි දෙකක් එක්තරා බීමත් පුද්ගලයෙකු ගේ කාරයේ ගමන් මාර්ගයට බාධාවක් වූ නිසා එම බීමත් පුද්ගලයා එම යතුරුපැදි පෙරලා ඒවාට අලාභ කරනවා.
එසේ අනතුරක් සිද්ධ කොට පලා යාමට ඒ පුද්ගලයා උත්සාහය කළත් ඒ සමඟම එහි ළඟාවන සිසුන් එම බීමත් පුද්ගලයා සමග ආරවුලක් ඇති කරගන්නවා.
මේ බීමත් පුද්ගලයා තමන් අතින් එම යතුරුපැදි වලට සිදු වූ හානිය ලබාදෙන්ට සිසුන් ඉදිරියේ පොරොන්දු වෙනවා. මේ බීමත් පුද්ගලයා කවුරුන්දැයි හෙළිදරව් වන්නේ ඔහු විශ්වවිද්‍යාල ආචාර්යවරයෙකුගේ නිල නිවාසයට ඇතුළු වීමත් සමගයි. ඔහු මහාචාර්ය සේනාරත්නගේ පුත්‍රයා බව ඒ සමඟම එළිදරව් වෙනවා.
විශාල සිසුන් සංඛ්‍යාවක් මේ නිවාසය වටලා පහර දෙනවා. ඔවුන් එතන රැඳීමත් සමඟම විශ්වවිද්‍යාලයේ පරිපාලනය එතැනට පැමිණෙනවා. පොලිසිය කැඳවන්නේ ඉන්පසුවයි. පොලිසිය පැමිණි පසුව එම බීමත් පුද්ගලයා මාංචු දමා රැගෙන ගොස් රෝහල් ගත කරනවා. එහෙත් පැය කිහිපයකින් ඔහුව ආපසු නිවසට එවා තිබෙනවා. මාංචු දමා අත්අඩංගුවට ගත් පුද්ගලයකු එසේ එම රාත්‍රියේදීම ආපසු නිවසට එවීම සිසුන් ප්‍රශ්න කරනවා.
මේ සම්බන්ධයෙන් හා බීමත්ව අපරික්ෂාකාරී ලෙස රිය පැදවීම සම්බන්ධයෙන් මෙම බීමත් පුද්ගලයාට විරුද්ධව සිසුන් පොලිසියට පැමිණිලි කර තියෙනවා. මේ පිළිබඳ කිසිදු පරීක්ෂණයක් සිදු නොකළ පොලීසිය කර තිබෙන එකම දෙය නම් පැමිණිලි කරන්නට ගිය සිසුන් බීමත්ව සිටිනවා දැයි පරීක්ෂා කිරීමයි.
(ඉතිහාසයේ පටන් පොලිසිය ක්‍රියා කරන්නේ මේ ආකාරයෙන් වන නිසා ඒ ගැන මා නම් කිසිසේත්ම පුදුම වන්නේ නෑ.)
සිද්ධියට සම්බන්ධ යැයි සිසුන් දොළොස් දෙනෙකුගේ ශිෂ්‍යභාවය තහනම් කොට තිබුණත් ඔවුන් අතරින් එක් සිසුවෙකු එම අවස්ථාවේ විශ්වවිද්‍යාලයේ රැඳී සිට නැහැ.
මෙයින් හැඟෙන්නේ විශ්වවිද්‍යාල පරිපාලනයට අවශ්‍ය සිසුන් ගේ නාම ලේඛනයක් ඉදිරිපත් කොට ඔවුන් අත්අඩංගුවට ගෙන ඇති බවයි. ( මෙවැනි ක්‍රියා විශ්වවිද්‍යාල පරිපාලනය සිදුකරන බව මා සිසුවෙකු මෙන්ම ආචාර්යමණ්ඩලයේ සාමාජිකයෙකු ලෙසද අතීත සිද්ධි කිහිපයකදී අත්දැකීම් ලබා තිබෙනවා.)
එම සිසුන් මේ වන විට රක්ෂිත බන්ධනාගාර ගත කොට තිබෙනවා.
මේ පිළිබඳ මාධ්‍යයට ප්‍රකාශයක් කරන විශ්වවිද්‍යාලයේ නියෝජ්‍ය උපකුලපතිවරයා සඳහන් කරන්නේ මෙම සිසුන් පසුගිය දෑවුරුද්ද තුළ මාර්ගගත අධ්‍යාපනය ලබූ විශ්වවිද්‍යාල ජීවිතය පිළිබඳව අවබෝධයක් නැති සිසුන් පිරිසක් බවයි. ඔවුන්ට විශ්වවිද්‍යාලයේ ආචාරධර්ම පිළිබඳ අවබෝධයක් නැතැයිද, ඔවුන් පසුගිය අරගලයට සම්බන්ධ ව සිට ඉන් පන්නරය ලැබූ පිරිසක් විය හැකි බවටද ඔහු තවදුරටත් සැක පළ කරනවා.
සේරම කුණු බේරුවල බොක්කට කියන්නා සේ මේ සිසුන් අරගලයට සම්බන්ධ කිරීම නම් විහිළු සහගතයි.
(මේ සිද්ධිය ගැන ජනප්‍රිය මත ප්‍රධාන මාධ්‍යයන් ඔස්සේ තලුමරන බැවින් මෙහි ලා සඳහන් කරන්නේ නෑ.)
සෙස්ස පස්සට…
මේ සිද්ධියෙදි සිසුන් ගැන වරදකට ලියලා තියෙන්නේ සිසුන් වටලා පහර දුන්නා කියන කතාව විතරයි. සිසුන් 12කින් එක්කෙනෙක් , එහෙම නම් අනෙක් 11 මොකද කරේ?පිරිසක් ගැහුවා නම් අනෙක් අයට මොකද වුනේ? ඔය බයිසිකල් කැඩුවා නම් හුදෙක් අලාභෙ ගෙවන්නම් කියලා මාර සුහද විදිහට කතා කරන්න ඇති නේද?
ReplyDelete