Wednesday, 1 February 2017

මරිමෝඩ නාවික සෙබළා



ජීව් ගාන්ධිට හමුදා පෙරෙට්ටුවක් නිරීක්ෂණය කරන මොහොතකදී රයිෆල් බඳෙන් පහර දීමේ සිද්ධිය මතකයට ආවේ ඒ මරිමෝඩ වැඩේ කළ නාවික සෙබළා සිවිල් පුරවැසියෙකු ලෙස අත් අඩංගුවට ගැනීමට කරුණු කාරණා යෙදී ඇති මොහොතකයි.

ඒ සමඟම මගේ මතකය වසර තිහකට එහා අතීතයට දිවෙනවා.

සමහර විට කෙදිනක හෝ මා අතින් ලියැවෙන්නට ඉඩක් නැති එක්තරා සුවිශේෂී හේතුවක් මත නාවික හමුදා නිලධාරියෙකු ලෙස අධිකාරිලත් මිලිටරි හමුදා සේවයට බැඳුණු මා යුද හා ගිනි අවි පුහුණුවෙන් පසු අනුයුක්ත කරනු ලැබුවේ ආරක්ෂක වළල්ලේ නාවික බලකායටයි.


ඒ උතුරත්, දකුණත් එක සේ ගිනියම් වී තිබුණ 80 දශකයේ අග භාගයේදීයි.



"ජයසාගර" හා "එඩිතර" නෞකාවන්හි පුහුණු වීමේ කාලය තුළ කෙටිකාලීන මුහුදු ගමන්හි යෙදී තිබුණත් මගේ පළමු පත්වීම ලෙස අනුයුක්ත කරනු ලැබුවේ "රක්ෂක" නම් ලැබූ Chinese Gun Boat එකටයි. ඒ වන විට ගන් බෝට්ටු වල ඉංජිනේරුවන් සේවය නොකළත් අදටත් මා නොදන්නා හේතුවක් මත මා එසේ මුල් වරට අනුයුක්ත කරනු ලැබුවා. සමහර විට එසේ කරන ලද්දේ ලොකු නෞකාවක ඉංජිනේරුවෙකු ලෙස පත් කරන්නට පෙරහුරුවක් ලෙසින් වෙන්නටත් පුළුවනි.



"රක්ෂක" වෙත අනුයුක්ත කරනු ලැබීම මා ලද වාසනාවක් කොට සලකන්නේ මුහුදු ආරක්ෂණ කලාපයේ අත්දැකීම් ලබන්නට ලද අවස්ථාව නිසා නොව එහි කපිතාන් වශයෙන් සේවය කළ වචනයේ පරිසමාප්තාර්ථයෙන්ම මහාත්මයෙකු වන නාවික නිලධාරියෙකු යටතේ සේවය කරන්නට ලැබුණු නිසයි. එවකට ලුතිනන් කොමාන්ඩර් නිලය හෙබැවූ ඔහු උසස් නිලධාරියෙකුට වඩා සමීප මිතුරෙකු සේ කටයුතු කළා.


ඒ අන් කවුරුත් නොව ඉලංගකෝන්ගේ විවරණය බ්ලොග් සටහන්  ලියන විශ්‍රාමික  රියර් අද්මිරාල් ලක්ෂ්මන් ඉලංගකෝන්.

මහනුවර ධර්මරාජයේ ආදි සිසුවෙකුවූ හෙතෙම ශ්‍රී ජයවර්ධනපුර විශ්වවිද්‍යාලයේ ව්‍යවහාරික විද්‍යා උපාධිධරයෙක්. 

උපාධිධාරීන් වහ කදුරු වූ බොහෝ නාවික හමුදා නිලධාරීන් පිළිබඳ අත්දැකීම් මධ්‍යයේ  අප'තර හිතවත්කමක් ගොඩනැගීමට ඔහු උපාධිධරයෙකු වීමද බලපාන්නට ඇතැයි අද මා සිතනවා.

සමාන්‍යයෙන් නැව් පදවන්නේ විධායක ශ්‍රේණියේ නිලධාරීන් (Executive Officers) වුණත් ඉංජිනේරු නිලධාරියෙකුවූ මා හට තනිවම සුක්කානම හසුරුවමින් ගන් බෝට්ටුව ජැටිය වෙත හෝ මව් නෞකාවක් වෙත සේන්දු කරන්නට (along side) අවසර දීමෙන් පෙනෙන්නේ හිතවත්කමට වඩා ඔහුගේ නිර්භීතබවයි. එසේම වැඩේ හරියට කරනු ඇති බවට මා කෙරෙහි ඔහු වෙත වූ විශ්වාසයයි.

සති තුනක් මුහුදු රාජකාරි ගොස් ආපසු ගොඩබිම බලා එන, යලි දින කිහිපයකින් ආරක්ෂක වළල්ලට රපෝර්තු කරන චක්‍රයක රාජකාරි කිරීමෙන් අනතුරුව මා අනුයුක්ත කෙරුණේ කන්කසන්තුරේ වරාය මූලික කොටගෙන ආරක්ෂක කටයුතු වල යෙදෙන චයිනීස් ගන් බෝට් හා ඊශ්‍රායෙල් ඩෝරා(Dvora) යාත්‍රාවන්හි මව් නෞකාවක් ලෙස කටයුතු කළ ජපන් "කොටා මාරු" නෞකාවටයි.








("කොටා මාරු" යනු ජපන් මුල් නම හෙයින් නාවික හමුදව ඊට සංකේත අංකයක් ලබා දී තිබුණත් මට එය මතක නැහැ. ඒ නිසා "කොටා මාරු" ලෙසම යොදනවා.)

"කොටා මාරු"  නැවේ කපිතාන් වූයේ පසු කලෙක නාවික හමුදාපති වූ සෝමතිලක දිසානායකයි. "සරිගම" ඇතුළු චිත්‍රපට රැසක් අධ්‍යක්ෂණය කළ සෝමරත්න දිසානායකගේ සොහොයුරායි. "වෙඩික්කාරයෝ" වැනි වේදිකා නාට්‍ය ගෙනා  නාට්‍යකරුවෙකු වූ සෝමරත්න ගැන අසා තිබුණත් සෝමතිලක ගැන මා දැන සිටියේ නැහැ. පුවත්පත් වලට ඔහු කවි ලියන්න ගත්තේ පසුවයි. ලුතිනන් කොමාන්ඩර් සෝමතිලක දිසානායක මුහුදේ සිට  කාංසියට ලියූ අපූරු  කවියක් මා ඔහුගෙන් ඉල්ලා දිවයිනේ දොඩංට(චන්ද්‍රසිරි දොඩංගොඩ) යැවූ විට එය පළවූවා මතකයි.
(මා local spirit පෙරන්නට ඉගෙනගත්තේ මේ නැවේදී. ඒ ගැන වෙනම නොකී කතාවක් ලියන්නම්.)

මේ නැවේ ඉංජිනේරු නිලධාරියා හැටියට යාන්ත්‍රික හා විදුලි අංශයන්ට අයත් නැවියන් මා යටතේ සිටියා. කපිතාන්වරයාගේ අනුමැතිය යටතේ ඔවුන්ගේ උසස්වීම් සහතික කළේත්, වාර්ෂික නිර්දේශ ඉදිරිපත් කළේත් මා විසිනුයි. ඒ අතරින් විදුලි කාර්මිකයෙකු වූ රෝහණ මට ඉතා හොඳින් මතක හිටියේ ඔහු හමුදා විනයට අනුකූලව කටයුතු නොකළ නිසයි.

මා එසේ කියන්නේ, සිද්ධිය හරියටම කුමක්දැයි අද මට අමතක වුවත් නැවේ ආහාර සම්බන්ධ ප්‍රශ්නයකදී ඔහු මුළුතැන්ගේ සෙබළුන් සමඟ ආරෝවක් ඇති කර ගත්තා. මට එයට මැදිහත්වන්නට සිදු වුණා. ඔහු එහිදී තමන්ට ඉහළ නිලධාරීන් විවේචනය කළා. එය හමුදා විනයට පටහැනි බව පැහැදිලි කළත් රෝහණ ඒ බව පිළිගන්නට සූදානම් වුණේ නැහැ.


අවසානයේ නිර්දේශ වාර්තාවේ ඔහු පිළිබඳ විවේචනාත්මක රෙකමදාරුවක් කළා මතකයි. එය ඔහුගේ පෞද්ගලික ලිපි ගොනුවේ තියෙන්නට ඇති.

ටිකක් නාහෙට නාහන කණිෂ්ඨ  නාවික සෙබළෙකු ලෙස මා තේරුම් ගෙන සිටි රෝහණ තම රාජකාරි කටයුතු නොපිරිහෙළා ඉටු කළ බව සඳහන් කළ යුතුයි.

1987 ජූලි මාසය වන විට මා  "එඩිතර" නෞකාවේ දෙවන ඉංජිනේරු නිලධාරියා ලෙසයි රාජකාරි කළේ. ඉංදියානු නාවික හමුදාව මුහුදින් ආහාර රැගෙන එන විට ඊට එරෙහි වීමේ තීන්දුව කොළඹින් ලබාගෙන ඒ බව දන්වන්නට ලුතිනන් කොමාන්ඩර් රාජරත්නව ඩෝරා යාත්‍රාවෙන් පිටත් කොට හැරියේ ආරක්ෂක වළල්ලේ ලාංකික මුහුදු සීමාවේ රාජකාරි කළ "එඩිතර" නෞකාවේ කොමාන්ඩර් මුසාෆායි. ඒ අවස්ථාවේ "එඩිතර" නෞකාවේ රාජකාරි කළ මා හට මුළු සිද්ධියම දැක බලාගන්නට හැකි වුණා.

පසුවදා ගුවනින් ආධාර හෙළා ජේ.ආර්. ජනාධිපතිගේ බල බිඳ දැමූ රජීව් ගාන්ධි අගමැතිවරයා කූප්‍රකට ඉන්දු-ලංකා ගිවිසුමට අත්සන් කරන්නට පැමිණි මොහොතේ පැවැත්වූ ආචාර පෙළපාළියේදී නාවික සෙබළෙකු රයිෆල් බඳෙන් පහර දෙනු ත්‍රිකුණාමලයේ නිලධාරී නිවස්නේ සිට රූපවාහිනියෙන් නැරඹුවත් ඒ ප්‍රහාරය එල්ල කළේ මා ඉහතින් සඳහන් කළ රෝහණ සෙබළා බව මා දැන ගත්තේ පසුවයි.

ඒ මොහොතේ වෙඩි නොකා බේරුණු නාවික සෙබළා මොන තරම් මරිමෝඩයෙකුදැයි මා කල්පනා කළා.


         ---------------------------------------------------------
කුරිරු යුද්ධයේ ම්ලේච්ඡ බව පසක් කොට ගෙන වසර පහක කොන්ත්‍රාත්තුව අවසානයේ නාවික හමුදාවෙන් ඉවත් වන්නට ලිපි ලේඛන බාර දුන්නේ මා මිලිටරි හමුදාවට බැඳෙන්නට හේතු වූ කාරණා තව දුරටත් වලංගු නොවූ නිසයි.






37 comments:

  1. හැදෙන නොහැදෙන ගස් පෙති දෙකෙං කියන්න පුලුවං.. විශේෂයෙන්ම නැවියෝ කණ්ඩායමක අංශ බාර නිලදාරියෙකුට.. මගේ ලන්ග හිටපු ඔය වගේ නොටෝරියස් සෙට් එකකගෙත් මූණු මතක නැති උනාය ඉනීශියල්ස් එක්කම නම් මතකයි

    ReplyDelete
    Replies
    1. ඒක නිලධාරියාගේ දක්ෂතාව. මම නාවික හා සාගරික විද්‍යා පීඨයේ අවුරුදු 2 1/2 ක් පුහුණුවීම් බාරව හා ඉගැන්වීම් වල යෙදුණ නිසා හැරෙද්දි දන්නව මොකාටද එන්නෙ කියලා.

      Delete
  2. /* ....සමහර විට කෙදිනක හෝ මා අතින් ලියැවෙන්නට ඉඩක් නැති එක්තරා සුවිශේෂී හේතුවක් මත නාවික හමුදා නිලධාරියෙකු ලෙස අධිකාරිලත් මිලිටරි හමුදා සේවයට බැඳුණු මා.... */

    ඔය හේතුව හෙන්රි අතින් ලියවිලා තියෙනවා නොදැනුවත්වම වගේ!

    ප්‍රසිද්ධ රහසක් යැයි කිව හැකියි.

    ReplyDelete
    Replies
    1. ඒ කියන්නෙ දන්නෙම නැතිව ගම කැවිලද...මං හිතන්නෙ මං කෙලින්ම කියා නෑ. රසික අනුමාන කරල වගේ.

      Delete
    2. You work for the JVP and you are a traitor during the dark era of 89......

      Delete
  3. /* ලුතිනන් කොමාන්ඩර් සෝමතිලක දිසානායක මුහුදේ සිට කාංසියට ලියූ අපූරු කවියක් මා ඔහුගෙන් ඉල්ලා දිවයිනේ දොඩංට(චන්ද්‍රසිරි දොඩංගොඩ) යැවූ විට එය පළවූවා මතකයි. */

    අතුරු ප්‍රශ්නයක්.

    ඒ කවිය පුත්පතට යවා පළ වුනේ ලුතිනන් කොමාන්ඩර් (හෝ එකල නිළ නාමය - කපිතාන?) සෝමතිලක දිසානායක කියන නමින් ද, නැතිනම් සෝමතිලක දිසානායක නමින් ද?

    මගේ පොදු ප්‍රශ්නය නම්, නිර්මාණයක් සමග ඒ නිර්මාණකරුවා ගේ සහමුලින්ම වෙනස් අංශක නිල/තනතුරු නාම / උපාධි යනාදිය යෙදීම විකාරයක් නේද යන්නයි.

    ReplyDelete
    Replies
    1. ඔය හිටපු නාවික හමුදාපති "සෝමතිලක දිසානායකටත්"සෑහෙන චෝදනා තියෙනවා ඇවන්ට් ගාඩ් සිදුවීම සම්බන්ධයෙන්.

      Delete
    2. හමුදා නායකයෙකුට පමණක් නොව සාමාන්‍ය සෙබළෙකුට පවා කටයුතු කරන්න වෙන්නේ දේශපාලන න්‍යාය පත්‍රයට අනුවයි. ඔවුන් දේශපාලකයින්ගේ බිලි බෝයිස්ලා.

      Delete
    3. මගේ ප්‍රශ්නය.

      ඒ කවිය පුත්පතට යවා පළ වුනේ ලුතිනන් කොමාන්ඩර් (හෝ එකල නිළ නාමය - කපිතාන?) සෝමතිලක දිසානායක කියන නමින් ද, නැතිනම් සෝමතිලක දිසානායක නමින් ද?

      මගේ පොදු ප්‍රශ්නය නම්, නිර්මාණයක් සමග ඒ නිර්මාණකරුවා ගේ සහමුලින්ම වෙනස් අංශක නිල/තනතුරු නාම / උපාධි යනාදිය යෙදීම විකාරයක් නේද යන්නයි.

      Delete
    4. මම නම් කිසිම දවසක මගේ නම ඉස්සරහින් පට්ටම් එල්ලල නෑ. කිසිම නිර්මාණයක් හෝ ලිපියක් පත්තරේකට යවද්දි. ඒත් සමහරු එහෙම කරනවා. ඔය ශාස්ත්‍රපති කියලත් කවි පළ වෙන්නේ.

      Delete
    5. සෝමතිලක දිසානායකගෙ දාපු හැටි නම් මතක නෑ. සමහරු නිල නාම පමණක් නොවේ රාජකාරි ස්ථාන, ඉන්න රටවල් පවා දානවා. ඕක පත්තරකාරයන්ගෙත් වැරැද්ද..

      Delete
  4. මගේ බැචා නි.ජ. මතකද?

    ඔහු තවත් වසර ගණනාවකට පසු කපිතාන්වරයෙකු ලෙස කටයුතු කර කලකිරී සේවයෙන් ඉවත්වුණා.

    ReplyDelete
    Replies
    1. හොඳින් මතකයි. තවත් කීප දෙනෙක් උන්නා. හැමෝම කලින්ම අයින් වුණා.

      Delete
  5. //ඒ මරිමෝඩ වැඩේ කළ නාවික සෙබළා සිවිල් පුරවැසියෙකු ලෙස අත් අඩංගුවට ගැනීමට කරුණු කාරණා යෙදී ඇති මොහොතකයි.//
    පසුබිම් කරුණු නොදන්නා නිසා විවේචනය කළ නොහැකි වුණත්, මේ වෙලාවේ මෙසේ කිරීමෙන් වෙන්නේ අනවශ්‍ය පරිදි බොරු වීරත්වයක් සමඟ ප්‍රතිරූපය නැවත ගොඩනඟා ගැනීමට උදවු දීමක්.

    ReplyDelete
    Replies
    1. මාත් හිතන්නෙ අත් අඩංගුවට ගන්න තරම් දෙයක් වෙලා නෑ. බයිල ගහල සවුත්තු වෙලා ඉන්න අතරෙ තමයි ඇරෙස්ට් කළේ. ඒත් පච කෙලල වීරයො වෙන්න බෑ නේද ?
      හෆොයි..අමත වුණා ..මේ සිරිලංකාව නොවැ.

      Delete
    2. //ඒත් කෙලල වීරයො වෙන්න බෑ නේද ?
      හෆොයි..අමත වුණා ..මේ සිරිලංකාව නොවැ.//

      පච ආයුධ නේ

      Delete
  6. හෙන්රි , මට යාන්තම් මතකයි කවුරුහරි කිව්ව ඔය හාදයා ඇත්තෙන්ම පෙරෙඩ් එක දවසෙ උදේ ලෙඩ වාර්තා කරල පෙරෙඩ් එකට නොයා ඉන්න උත්සාහ කරාකියල

    ReplyDelete
    Replies
    1. මටත් එහෙම මතකයක් තියෙනව සර් ...මෙතන තිබුණ ජාති ආලයක් නෑ. (එහෙම තිබුණ නං මෙහෙම ගොං වැඩක් කරන්නෙත් නෑ)
      දේශ්පාලන වාසි වලටනෙ කට්ටිය පස්සෙ පොර කළේ.

      Delete
  7. ඔය නාවික සෙබළ හිරෙන් නිදහස්ව කාලයක් යනතුරු පේන්න හිටියේ නැහැනේ.මැතක තමයි යලි කරලියට ආවේ.මෝඩයෝ වීරත්වයට නංවන රටක් නිසා අවුලක් නැහැ.

    ReplyDelete
    Replies
    1. මෝඩයින් හා කපටි කෛරාටිකයින් නේන්නං වීරත්වයට නංවන්නේ..

      Delete
  8. මොනවා උනත් හිතෙන දේ එහෙම්මම කියන කරන එක ගැලපෙන්නෑ කියල කියනවා නම් ඒකට උදාහරණයක් වන පුද්ගලයෙක්. (ද?)
    ජයවේවා..!!

    ReplyDelete
    Replies
    1. සාස්තරකාරයො කියල පෙනී හිටි අය කියන්නෙම හිතෙන හිතෙන දේ තමයි. දවසක් සාස්තරයක් කියන්න මං පස්සෙන් ආව ගෑනියෙකුට මං කිව්වා සල්ලි එපා, මං ඔහේට සාස්තරයක් කියන්නං ඔය එක එක්කෙනා පස්සෙ හිඟා කකා සාස්තර කියන්න වෙච්චි එක ගැන කියල. මනුස්සය බැන බැන අන්තරස්දාන වුණා.

      Delete
  9. බොඩි ලැන්ග්වේජ්

    ReplyDelete
  10. පොරට කැපී පෙනීමේ ලෙඩක් තියෙනවා වගේ.......

    ReplyDelete
    Replies
    1. වැඩියත්ම මං හිතන්නෙ මෝඩ උද්දච්ඡකම.

      Delete
  11. පොඩි ළමෙක් විදියට 1987 දි මේ සිදුවීම රූපවාහිණියෙන් මාත් දුටුවා. එදා තමයි මම හිතන්නේ ලංකාවේ ජවිපේ කරලියට එලිපිට බහින්න පටන්ගත්තේ. අපේ ගමේ නම් එහෙමයි.

    පස්සේ කාලෙක මට හැමදාම හිතුන දෙයක් තමයි වෙඩි නොකා කොහොමද බේරුනේ මේ වගේ මනුස්සයෙක් කියන එක. මොනවා වුනත් රජිව් රාජ්‍ය නායකයෙක් නෙව.
    ඒ විතරක් නෙමෙයි රටේ ගෞරවය රාජ්‍ය සම්බන්දතා වලදි මේ විදියට කිළිටි කරගන එකට මම හිතන්නේ කප් ගහපු පොරවලින්නේ අපේ රටේ වෙන්න ඕනේ. ඒ මදිවට අපි උන්ව ජාතික වීරයෝ කරගන්නවා.
    ගහන්න ඕනේ අපිට... !

    අවුරුදු දෙදාස් පන්සීයක ඉතිහාසේ නෙව ...

    ReplyDelete
    Replies
    1. එවෙලේ ඉංදියාව බලවත්. ජේ.ආර්. අමෙරිකාවට අල්ලන්න ගිහිං ඇණගෙන උන්නෙ. තව පොඩ්ඩක් එහෙ මෙහෙ වෙලා රජීව්ට අනතුරක් වුණා නං බලන්න තිබුණ එක පිස්සෙක් නිසා රටක් ඉල්ලං කන හැටි.

      Delete
  12. කෙලින්ම අදාළ නොවෙන සුළු කරුණක් කියන්න අවසර දෙන්න.

    ඇත්තටම ජපන් නැවු වල නම කියවෙන්නේ "මාරු" කියල නොවෙයි "මරු" කියල.

    ශ්‍රේෂ්ඨ තොයොතොමි හිදෙයෝශිගේ ප්‍රධාන නැවක් සිහිකරමින් ලෝකය වටා යන "නිප්පොන් මරු" නැවට "නිපොන් මාරු" කියල ජාතික තලයේදීත් කියවෙනවා ගිය අවුරුද්දේදීත් දැක්ක වෙලාවේ ඔළුවට ආවත් ඔබේ ලියවිල්ලෙනුයි එය නැවත මතක් වුනේ.

    කොහොම වුනත් එය ලොකු දෙයක් නොවෙයි.

    ReplyDelete
    Replies
    1. ස්තූතියි වරද පෙන්නා දුන්නට. භාවිතය "මාරු". ඒත් නිවැරැදි යෙදීම "මරු". ඒකත් මරේ මරු.
      මින් ඉදිරියට කොටා මරු කියල ලියන්නම්.

      Delete
  13. Replies
    1. ඔබට සතුටුයිද දැන්...

      Delete