ක්‍රිෂාන්තිගේ ජීවිතය බේරාගනිිිමු ...!

 

 

රුපියලෙන් රුපියල එකතු කොට ක්‍රිෂාන්තිගේ ජීවිතය බේරාගනිිිමු ...!

 

නෙවිල් නාඔටුන්න (එන්.බී. නෙවිල්) කියන්නෙ 80 දශකයේ මුල පේරාදෙනිය විශ්වවිද්‍යාලයේ සිටි කොයි කාගේත් ආදරය දිනාගත් ශිෂ්‍ය ක්‍රියාධරයෙක්. නෙවිල් ඉංජිනේරු ශිෂ්‍යයෙක් වුණත් අනෙක් පීඨවල අය එක්කත් සම්බන්ධතා පැවැත්වූවා.

 

ඒ දවස්වල උදලාගම කොමිසම හරහා පණ්ඩිතරත්න උපකුලපතිවරයා සිසු දඩයමේ යෙදෙද්දී නෙවිල්ලා ඊට එරෙහිව සටන් කළා. වරක් යූ.ඇන්.පී. මැර සිසුන් පහර දුන් ශිෂ්‍ය පෙළපාළියක ඉදිරියෙන් සිටි නෙවිල් තුවාල ලැබුවා.

 

පසු කාලීනව විදුලි ඉංජිනේරුවෙක් ලෙස ඔහු විවිධ තනතුරු දැරුවා. අවසානයේ තමන්ගේම ව්‍යාපාරයක් පටන් ගත්තා. එය සාර්ථකව කරගෙන ගියා.

 

2010 අප්‍රේල් 04 දා නෙවිල් හදිසියේ අසනීප වී මිය ගියා. ඉන් පසුව බිරිඳ ක්‍රිෂාන්ති දරු තිදෙනා ලොකු මහත් කොට හදාවඩා ගන්න විශාල වෙහෙසක් දැරුවා. දරුවන්ගේ අධ්‍යාපනයට හා වෙනත් අවශ්‍යතා වෙනුවෙන් නෙවිල්ගේ හිතෛෂින් උදව් කළා. විවාහ දිවියේදී රැකියාවක් නොකළ ඇය ඉන් පසුව තමන්ට කළ හැකි රැකියාවක් කරමින් පවුලේ ස්ථාවරත්වයක් පාදා ගැනීමට වෙහෙස වුණා.

 

දැන් ලොකු පුතා චෙස් උපදේශකයෙක් ලෙස වැඩ කරනවා. ඔහු චෙස් චැම්පියන් කෙනෙක්.

ලොකු දුව කොළඹ වෛද්‍ය පීඨයේ සිව්වන වසරේ.

බාල පුතා මොරටුව ඉංජිනේරු පීඨයේ තුන්වන වසරේ.

 

නෙවිල්ගේ බිරිඳ ක්‍රිෂාන්ති හදිසියේ රෝගාතුර වුණා.

Autoimmune Hepatitis රෝගයෙන් පෙළෙන ඇයට අක්මා බද්ධ(Liver Transplant) නොකළොත් වැඩිකල් ජීවත් වෙන්නට නොහැකි බව වෛද්‍යවරුන් තීන්දු කළා. මුලින් ලබන සැප්තැම්බර් දක්වා ජීවත් වීමේ දින දී තිබුණත් අලුත්ම සෞඛ්‍ය තත්ත්වය මත අඩුම තරමින් ජූනි මාසයේ මැද භාගය වන විට ඇයට ශල්‍යකර්මය කළ යුතුයි.

ඉන්දියාවට ගොස් අක්මා බද්ධ කිරීමට වියදම රුපියල් ලක්ෂ 135 ක්.

දරුවන් මේ මුදල කෙසේ හෝ සොයාගෙන මව ජීවත් කරගැනීම සඳහා මූලිකත්වය ගත්තා. විවිධ අරමුදල් වලට ආධාර එකතු කළා. විශ්වවිද්‍යාලයේ හා සමාජයේ නෙවිල් නාඔටුන්න ගැන දැන සිටි, ඔහුට ආදරය කළ බොහෝ දෙනා උදව් කරන්න පටන් ගත්තා.

 

බාල පුතා තම මව වෙනුවෙන් අක්මාවෙන් කොටසක් පරිත්‍යාග කරනවා. ඒ සඳහා ක්‍රිෂාන්ති හා පුතා සමඟ තව දෙදෙනෙකු ජූනි 10 වනවිට ඉන්දියාවට යා යුතුයි. මේ ශල්‍යකර්මවලට අනුමැතිය දීම සඳහා ලොකු පුතා ශල්‍යකර්මය කරන දිනය වන විට ඉන්දියාවේ Rela රෝහලේ සිටිය යුතුයි.

මේ වන විට ලක්ෂ 100 ක පමණ අරමුදලක් ගොඩනගා තියෙනවා.

ඉදිරි මාස එකහමාරක් ඇතුළත හිඟ ලක්ෂ 35 කට ආසන්න මුදලක් සොයා ගත යුතු ඉලක්කයක් අප ඉදිරියේ.

 

මේ සුළුවෙන් හෝ හැකි පමණින් ඔබේ උදව් අවශ්‍ය මොහොතක්. රුපියලෙන් රුපියල එකතු කොට ක්‍රිෂාන්තිගේ ජීවිතය බේරාගන්න දායක වන්නැයි මෙය කියවන ඔබෙන් ඉල්ලා සිටිනවා.

ගිණුම් විස්තර-

අංක 8200053067 දරණ
කොමර්ෂල් බැංකු නුගේගොඩ ශාඛාවේ ගිණුම.
Swift Code-CCEYLKLX

--------------

A/C No: 8200053067

A/C Name. S M N K Samarathunga

Commercial Bank Nugegoda Branch

Swift Code: CCEYLKLX

 

-හෙන්රි වර්ණකුලසූරිය
(නෙවිල්ගේ සරසවි බැච්මේට්.)